ഒ. വി വിജയന്റെ ഖസാക്കിന്റെ ഇതിഹാസം 1969ൽ പ്രസിദ്ധീകരിക്കപ്പെട്ടതാണു. അതായതു ഗർഭപാത്രം എന്നെക്കുറിച്ച് ചിന്തിക്കുന്നതിനു മുൻപ്.
പാലക്കാട് ജില്ലയിലെ തസറാക്ക്
എന്ന ഗ്രാമത്തിനോട് അന്നു കുട്ടിക്കാലവായനയിൽ
തുടങ്ങിയ ആ കൗതുകകരമായ
അടുപ്പം, പിന്നിടെപ്പോഴൊ കൈവിട്ട്പോയി.
രവി നടക്കുന്ന വഴികളിലൂടെ കഥാകാരന്റെ ഗതി വിഗതികളിലൂടെ ഖസാക്ക് ഉള്ളിൽ നിറഞ്ഞിരുന്നു.
അള്ളാപിച്ചാമൊല്ലാക്ക, അപ്പു കിളി , മാധവൻ നായര്, മൈമുന, നൈസാമലി, ആബിദ, കുഞ്ഞാമിന, കുപ്പുവച്ചൻ അങ്ങനെ അങ്ങനെ എല്ലാരും. ഒപ്പം ചെതലിയും കൂമന്കാവും രാജാവിന്റെ പള്ളിയും പിന്നെ 'റബ്ബുൽ ആലമീനായ തമ്പുരാന്റെയും മുത്ത്‌ നബിയുടെയും ബദരീങ്ങളുടെയും ഉടയവനായ' സെയ്യദ്ദ്മിയാൻ ഷെയ്ഖും എല്ലാം ഉള്ളിൽ നിറഞ്ഞു തെളിഞ്ഞാണ് മായുന്നത്
സാന്മാർഗികതയുടെയും ആത്മാന്വേഷനത്തിന്റെയും ഒരു നേർത്ത വരമ്പിലൂടെയാണ് കഥാകാരൻ സഞ്ചരിക്കുന്നത്.
ഇന്നിപ്പം കാലത്തിന്റെ കുത്തൊഴുക്കിൽ
ഇവിടെ നീണ്ട ഏഴു വർഷക്കാലമായി.
കരിമ്പനകളും യക്ഷികളും കൂട്ടായി.
പറയാനാണേൽ ഏറെയുണ്ട്
ഒന്നു തിരിഞ്ഞു നോക്കാംല്ലെ.....
No comments:
Post a Comment