ഉന്മാദം

ചക്കരമാഞ്ചോട്ടിൽ.....

നാളെ ........
ഞങ്ങൾ ആമോദത്തിലാണു
ഉന്മാദത്തിലാണു

ദിനരാത്രങ്ങൾ പലതു
കൊഴിഞ്ഞുപോയി
കാലം ഒന്നിനുവേണ്ടിയും കാത്തു നിന്നില്ല
പുഷ്പിച്ചും
ഇലകൾ  വാടിയും   കൊഴിഞ്ഞും
കടപൊഴുകി വീണും
വേലിയേറ്റ ഇറക്കങ്ങളിലൂടെ
കാലം കടന്നുപോയി

ഒരു നൂറ്റാണ്ടിന്റെ മുഴുവൻ
കഥകൾ പറയാൻ
ഞങ്ങൾ ഒത്തുകൂടുകയാണു

നാളത്തെ ആദിത്യൻ ഉണരുന്നതു
ഞങ്ങൾക്കു വേണ്ടിയാണു
തികച്ചും......

നാലുകൊല്ലം ഒരുമിച്ചിരുന്നു
ജീവിതത്തിൻ താളക്രമങ്ങൾ
ഉരുവിട്ട് പഠിച്ച ഞങ്ങൾ

ഒന്നു തിരിഞ്ഞു നോക്കട്ടെ
പഠിച്ചവ പ്രാവർത്തികമായോ
ചേർത്തു വായിച്ചതിൽ
സ്വരചേർച്ചക്കുറവുണ്ടോ

കലാലയമുറ്റത്തേക്കു

പ്രകമ്പനങ്ങൾക്കും പ്രതിധ്വനികൾക്കും
ചെവിയോർക്കാൻ
ഒന്നൂടെ.....

സായം സന്ധ്യയിൽ

കിനാവ്